Ўзбекистон футбол федерацияси томонидан мамлакат футболининг 100 йиллик юбилейи ва ОАВ ҳодимлари куни муносабати билан журналистлар ўртасида ўтказилаётган турнирда финал иштирокчилари аниқланди.

Мусобақанинг гуруҳ босқичидан кейиноқ ярим финалга етиб бориши катта эҳтимол бўлган тўрт жамоа ажралиб қолганди. Ўз навбатида чорак финалда ҳеч қандай сенсация қайд этилмади ва кутилганидек МТРК, ЎзДЖТУ, ЎФФ ҳамда «Моворауннаҳр» жамоалари финал остонасига қадар етиб келишди.

Бугун – 25 июнь куни ҳар иккала ярим финал беллашувлари бўлиб ўтди. Дастлаб МТРК ва ЎзДЖТУ домлаларидан ташкил топган жамоалар финал йўлланмаси учун саф тортишади. Муросасиз ва қизиқарли курашларга бой бўлган ўйинда телевидение вакиллари қийин ғалабани қўлга киритишди – 5:4. ЎФФ ва «Моворауннаҳр» жамоалари ўртасидаги ўйиннинг асосий ва қўшимча вақтларида ғолиб аниқланмади – 3:3. Пенальтилар сериясида 4:3 ҳисобида ғалаба қозонган турнир мезбонлари финалга йўлланма олишди.

ЯРИМ ФИНАЛ
ЎзДЖТУ – МТРК 4:5
ЎФФ – Моварауннаҳр 3:3 (4:3-пен)

3-ЎРИН УЧУН
ЎзДЖТУ – Моварауннаҳр

ФИНАЛ
ЎФФ – МТРК