19 ёшгача бўлган Ўзбекистон қизлар терма жамоаси бош мураббийи Ольга Ким ва унинг ёрдамчиси Зарина Муҳамедова ФИФАнинг ёш мураббийлар учун ташкил этиладиган семпинарида иштирок этишади.
Семинар 19-29 сентябрь кунлари Озарбойжон пойтахти Боку шаҳрида бўлиб ўтади. Қайд этиш керак, Боку шаҳри 22 сентябрь – 13 октябрь кунлари 17 ёшгача бўлган қизлар ўртасидаги жаҳон чемпионатига мезбонлик қилади. Юқоридаги семинар ҳам шу аснода ўтказилиши режалаштирилган.
Ольга Ким ва Зарина Муҳамедова билан бир қаторда Озарбойжон, Беларусь, Эстония, Грузия, Қозоғистон, Қирғизистон, Латвия, Литва, Молдова, Россия, Тожикистон, Туркманистон ва Украинадан ҳам ёш мураббийлар иштирок этиши кутилмоқда.
