Ўзбекистон ёшлар терма жамоасига қарши 2та ўртоқлик ўйинида майдонга тушиши керак бўлган Эрон U19 терма жамоаси 10 август куни Тошкентга етиб келади.

Шу йилнинг 3-17 ноябрь кунлари БААда бўлиб ўтадиган Осиё чемпионати U19га тайёргарлик кўраётган жамоалар 12 август куни Тошкентда, 15 август куни Самарқандда ўртоқлик ўйини ўтказишади. Қайд этиш керак, Ўзбекистон ва Эрон ёшлар терма жамоалари Осиё чемпионати саралашининг сўнгги иккитасида бир гуруҳдан жой олишган. Уларнинг ҳар иккаласига Эрон мезбонлик қилган бўлиб, 2010 йилгисида Ўзбекистон, 2012 йилгисида эса Эрон дастлабки ўрин билан қитъа чемпионатига йўл олган. Аҳмаджон Мусаев шогирдлари шу йил бўлиб ўтган ўазро ўйинда 0:2 ҳисобида имкониятни бой бериб, саралаш гуруҳини иккинчи ўринда якунлашганди.

Осиё чемпионатида Ўзбекистон ёшлари амалдаги чемпион КХДР, шунингдек, Вьетнам ва Иордания термалари билан бир гуруҳдан жой олган. Эрон эса «А» гуруҳида Кувайт, Япония ҳамда мезбон – БАА синовида бўлади. Августнинг иккинчи ўн кунлигида эса бу икки азалий рақиб Ўзбекистонда тўқнаш келишади. 10 август куни пойтахтга етиб келадиган Эрон ёшлари, 17 август куни Теҳронга қайтиб кетишади.

Ўзбекистон U19 терма жамоасининг Осиё чемпионатига тайёргарлик режаси билан мазкур ҳаволада танишиб олишингиз мумкин.