Хитой Суперлигасида тўп сураётган Ўзбекистон миллий терма жамоасига даъвогар футболчилардан бири Камолиддин Тожиев 20-тур доирасида «Шандонг Луненг» клубига қарши ўйинда майдонга тушди.

Камолиддин Тожиев ҳаракат қилаётган «Жиангсу Саинти» клуби 20-турда «Шадонг Луненг»ни қабул қилиб, 3:3 ҳисобида дуранг ўйнади. Беллашувда Камолиддин Тожиев тўлиқ – 90 дақиқа ҳаракат қилди.

Айни пайтда «Жиангсу Саинти» 39 очко билан 2-ўринни эгаллаб турган бўлса, 1-ўринда бораётган «Гуанжоу Эвергранде» клубида 40 очко бор.

Ўзбекистон миллий терма жамоасига аъзо футболчилардан яна бири Анзур Исмоилов ҳаракат қилаётган «Чанчун Ятай» 19та ўйинда тўплаган 29 очкоси билан 6-ўриндан жой олган. 4 август куни Суперлигада сўнгги ўринда бораётган «Ценан Жианйе»ни қабул қилган Исмоилов жамоадошлари 2:2 ҳисобига имзо чекишди. Мезбонлар 2та гол фарқи билан олдинда боришларига қарамай, якунда ғалабани ушлаб қола олишмади. Мазкур беллашувда Анзур Исмоилов ўйин қайдномасига киритилмади.

«Чанчун Ятай» 10 август куни 3-ўринда бораётган «Гуизоу Ренцзе» меҳмони бўлса, «Жиангсу Саинти» 10-ўринда бораётган «Лиаонинг» меҳмони бўлади.