Дилшод Нуралиев бошқарувидаги Ўзбекистон (U16) ўсмирлар терма жамоаси Австрияда ўқув-йиғин машғулотларини олиб бормоқда.
Шу йилнинг 21 сентябрь – 6 октябрь кунлари Эронда бўлиб ўтадиган ўсмирлар ўртасидаги Осиё чемпионатига тайёргарлик кўраётган жамоа Европадаги дастлабки ўртоқлик ўйинини маҳаллий «Штурм Грац» клуби академияси тарбияланувчиларига қарши ўтказиб, 7:1 ҳисобида ғалаба қозонди. Қайд этиш керак, ўсмирлар терма жамоаси Озарбойжонда бўлиб ўтган «Каспий Кубоги» турнирини 3-ўринда якунлашга муваффақ бўлганди. Осиё чемпионатининг финал қисмида жамоа Сурия, Хитой ва Ҳиндистон терма жамоаларига қарши кураш олиб боради.
Австриядаги йиғин 5 июль санасига қадар давом этади. Унинг доирасида яна 2та ўртоқлик ўйини ўтказиш режалаштирилган. Режага кўра ўйинлар 30 июнь ва 3 июль кунлари ташкил этилади.
