Янгиликлар
Сўнгги хабарлар
- “Уч миллат кубоги”: Ўзбекистон аёллар термаси муддатидан аввал ғолибликни қўлга киритди
- Ўзбекистон ўсмирлар термасининг Қатарга қарши ўртоқлик ўйинлари бекор қилинди
- “Уч миллат кубоги”: Ўзбекистон аёллар термаси Қирғизистондан устун келди
- Самвел Бабаян Хитой ва Жанубий Кореяга қарши ўйинлар учун 27 футболчини жалб қилди
- “Уч миллат кубоги”: Ўзбекистон аёллар термаси Қозоғистонни йирик ҳисобда мағлубиятга учратди
Мавзуга оид бошқа хабарлар
- “Уч миллат кубоги”: Ўзбекистон аёллар термаси муддатидан аввал ғолибликни қўлга киритди
- Ўзбекистон ўсмирлар термасининг Қатарга қарши ўртоқлик ўйинлари бекор қилинди
- “Уч миллат кубоги”: Ўзбекистон аёллар термаси Қирғизистондан устун келди
- Самвел Бабаян Хитой ва Жанубий Кореяга қарши ўйинлар учун 27 футболчини жалб қилди
- “Уч миллат кубоги”: Ўзбекистон аёллар термаси Қозоғистонни йирик ҳисобда мағлубиятга учратди
“Локомотив” янги футболчиларни таништириш маросимини ўтказди
- 20.02.2016 17:43 | ПФЛ
20 февраль куни Тошкентнинг “Локомотив” футбол клуби мавсумлар оралиғида жамоага келиб қўшилган футболчиларни жамоатчиликка таништириш маросимини ўтказди.
Бу ҳақида клуб расмий сайти хабар бермоқда.
Ўзбекистон профессионал футбол лигасининг якунланган мавсумида кумуш медалларини қўлга киритган тошкентликлар таркибида янги мавсумдан бошлаб Сервер Жепаров, Кахи Махарадзе, Сардриддин Абдуллаев, Шерзод Файзиев ҳаракат қиладиган бўлди.
Икки карра Осиёнинг энг яхши футболчиси деб топилган Ўзбекистон миллий терма жамоаси аъзоси Сервер Жепаров тадбир давомида Жанубий Кореянинг “Ульсан Хюндай” клуби билан шартномаси тугагач, “темирйўлчилар” таклифини қабул қилганини айтиб ўтди. Таъкидлаш керакки, “Локомотив” 33 ёшли тажрибали футболчи учун профессионал футболчилик фаолиятидаги саккизинчи клуб бўлади. Бунга қадар Жепаров “Навбахор”, “Пахтакор”, “Бунёдкор”, “Сеул” (Жанубий Корея), “Аш-Шабоб” (Саудия Арабистони”), “Сеонгнам” (Жанубий Корея) ҳамда “Ульсан” (Жанубий Корея) жамоаларида фаолият олиб боришга улгурган.
Ўзбекистон миллий терма жамоаси сафида 113 ўйинда майдонга тушиб, 25 голга муаллифлик қилган Сервер Жепаров “Локомотив” таркибида 8-рақамда тўп тепадиган бўлди.
Жамоа сафига келиб қўйишлаган бошқа футболчилар – Файзиевга 37, Абдуллаевга 7 ва Махарадзега 5-рақамли футболкалар тақдим этилди.
Шунингдек, Тошкентнинг “Локомотив” футбол клуби янги мавсум учун махсус уй ва сафар ўйин кийимларини ҳам намоийш қилди.
Шуни қўшимча қилиш керакки, “Локомотив” мавсумдаги илк расмий ўйинини Осиё чемпионлар лигаси-2016 гуруҳ босқичи доирасида Саудия Арабистонининг “Ал-Иттиҳод” жамоасига қарши ўтказади. Ўйин 23 февраль куни, 15:00да, “Локомотив” стадионида бўлиб ўтади.
Фото: "Локомотив" матбуот хизмати
- ЎФФ
- ТЕРМА ЖАМОАЛАР
- ЯНГИЛИКЛАР
- ТУРНИРЛАР
- МЕДИА
© THE-UFF.COM
Барча ҳуқуқлар ҳимояланган.
Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
